په‌یامی لیستی هاوپه‌یمانی كوردستان، له‌ باره‌ی ده‌ستپێكردنی هه‌ڵمه‌تی بانگه‌شه‌ی هه‌ڵبژاردنی ئه‌نجومه‌نی نوێنه‌ران. لیستی هاوپه‌یمانی كوردستان.. لیستی ئێوه‌یه‌ و بۆ ئێوه‌یه‌.. هاوپه‌یمانی كوردستان كه‌ یه‌كێكه‌ له‌ بنیاتنه‌ره‌ سه‌ره‌كیه‌كانی دیموكراسی و فیدراڵی و ئازادیی له‌ ئێراقی نوێدا، لیستی ئه‌و هێزه‌ خاوه‌ن ئه‌زموون و به‌ ئیرادانه‌ی كوردستانه‌ كه‌ خاوه‌نی رابردووی پڕسه‌روه‌ری و خه‌بات و قوربانیدانن له‌ پێناو به‌دیهێنانی ئاواته‌كانی گه‌له‌كه‌مان و ده‌سته‌به‌ركردنی ئازادی و خۆشگوزه‌رانی وئاسایشی هاووڵاتیاندا..