November 19, 2008, 10:10 pm |
|
|
بارزانی نهمر |
| |
|
سهرۆک بارزانی |
|
|
|
|
ههواڵ |
|
|
دوێنێ لیژنەیەكی كورد بەرەو بەغدا چوو تا ناكۆكییەكانی نێوان حكوومەتی كوردستان و بەغدا دهربارهی خانەقین و پارێزگای دیالە لەگەڵ حكوومەتی نوری مالیكی چارەسەر بكەن. هێزەكانی پێشمەرگە رێگە نادەن هێزەكانی سوپای ئێراق بچنە ناو خانەقین..... [درێژه .. ]
|
|
|
ڕۆژى 14/10/2008 هەڤاڵ سەلاح دەلۆ ئەندامى کۆمیتەى ناوەندى پارتی دیموکراتى کوردستان و بەرپرسى مەکتەبى ناوەندى پەیوەندى نیشتمانى و کوردستانى و هەڤاڵان عیماد تەها و ئاسۆ قەرەداغى ئەندامانى مەکتەبى ناوەندى، پێشوازییان کرد لە بەڕێز زۆهێر توربالو سەرۆکى گردبوونەوەى بێلایەنى تورکمان و مونا قەهوەچى و بسام خانەقینى ئەندامانى سەرکردایەتى گردبوونەوەى کرد .
لە میانەى کۆبووونەوەکەدا باس لە پەرەپێدانى پەیوەندى دووقۆلى نێوان هەردوولا و بەهێزکردنى ئەو پەیوەندییە کرا، دواتر رەوشى سیاسى ناوچەى خانەقین بە تیرۆتەسەلى گفتوگۆى لەسەرکرا و چونیەتى باشتربوونى تاوتوێ کرا .
لە تەوەرێکى ترى کۆبوونەوەکەدا باسى توندوتیژى لە دژى مەسیحییەکان کرا و هۆکارى سەرهەلدانى ئەو توندوتیژییە و زیانەکانى بۆ بارودۆخى ئەمرۆى عێراق روونکرایەوە .
هەروەها باس لە مادەى 140ى دەستورى عێراقى فیدراڵ و جێ بەجێ کردنى و ئەنجامەکانى دواکەوتنى ئەو مادەیە کرا .
|
|
|
ڕۆژى 13/10/2008 بەڕێز سەلاح دەلۆ بەرپرسى مەکتەبى ناوەندى پەیوەندى نیشتمانى و کوردستانى بەیاوەرى میقداد عەلى جێگرى بەرپرس و ژمارەیەک لە ئەندامانى مەکتەب سەردانى بارەگاى حزبى نیشتمانى ئاشورى لە هەولێر کرد و لەلایەن نەمرود بیتۆ سکرتێرى گشتى حزب و امانوئیل خۆشابا جێگرى سکرتێرى حزب و ئەلبرت کەسو بەرپرسى پەیوەندییەکان پێشوازى کران .
لە کۆبوونەوە باس لە رەوشى سیاسى عێراق بە گشتى و کوردستان بە تایبەتى کرا و ئاماژە بە برایەتى و پێکەوە ژیانى برایانەى کورد و مەسیحى یەکان و بەشدارییان لە پرۆسەى سیاسى و پەرلەمان و حکومەتى هەرێمى کوردستان بەرز نرخاند .
لایەنێکى دیکەى کۆبوونەوە تیشک خرایەسەر رەوشى ئەمنى موسل و دەستدرێژی کردنەسەر مەسیحى یەکانى ئەو شارە .
لەمبارەیەوە سەلاح دەلۆ نیگەرانى و هەڵوێستى دژى ئەم کردەیە دەربرى و ئاماژەى بەوە کرد کە پێویستە گشت کێشەکان لەرێگاى گفتوگۆ و دیالوگەوە چارەسەر بکرێت و پێویستە عێراقى تازە ڕێز لە هەموو نەتەوە و ئاینە جیاجیاکانى وەک یەک بگرێت .
لە بەرامبەردا حزبى نیشتمانى ئاشورى خۆشحاڵى خۆیان بۆ هەڵویستەکانى (پ.د.ک) دەربڕى و پشتگیرى خۆیان بۆ سەرۆکایەتى هەرێم و پەرلەمان و حکومەتى هەرێمى کوردستان دەربڕى و ئاماژەیان بە پێویستى پەلەکردنى حکومەتى ناوەندى عێراقى فیدراڵ دا کە پەلە بکات لە جێ بەجێ کردنى مادەى 140ى دەستور و هەروەها ئاماژەیان بە خواستى مەسیحى یەکانى دۆلى نەینەوا دا کە ئارەزوومەندن ناوچەکەیان بخرێتەسەر هەرێمى کوردستان .
|
|
|
ڕۆژى 13/10/2008 سەلاح دەلۆ بەرپرسى مەکتەبى ناوەندى پەیوەندى نیشتمانى و کوردستانى بەیاوەرى میقداد عەلى جێگرى بەرپرس و ئەندامانى مەکتەبى ناوەندى سەردانى بارەگاى کۆمەڵەى ڕۆشنبیرى کلدانیان کرد و لەلایەن پولێ شەمعون سەرۆکى کۆمەڵە و سەباح یوسف و عبدالمسیح سلێمان و
ئەزام متى و عیسا جرجیس و ئازەر جوهر عبدالمسیح ئەندامانى دەستەى کۆمەڵەوە بەگەرمى پێشوازى کران .
لە کۆبوونەوە باس لە پەیوەندى دێرینى کورد و مەسیحى یەکانى کوردستان کرا و ئاماژە بە رۆڵیان لەنێو شوِڕشەکانى ئەیلول و گوڵان و خواستیان بۆ برایەتى و پێکەوەژیان لەگەڵ خەڵکى کوردستان کرد .
لایەنێکى دیکەى کۆبوونەوە هەردوولا دژى ئەم کارانەى هەفتەى رابردووى شارى موسل دژى مەسیحى یەکان ئەنجام درابوون لەلایەن تیرۆریستەکانەوە ئیدانە و ریسوا کرا و تاکید لەسەر جێ بەجێ کردنى مادەى 140ى دەستور و ئارەزووى مەسیحى یەکان بۆ پێکەوە ژیان لەگەڵ خەڵکى کوردستان دەربڕى و ستایشى روِڵى حکومەتى هەرێمى کوردستان کرد بۆ گرنگى دانیان بە لایەنى سیاسى و ئابوورى و کەلتورى مەسیحى یەکان . |
|
|
|
|
